Mbrëmjen e 29 marsit në Çikago u regjistruan disa të shtëna armësh, teksa mbeti i vdekur në vend një 13-vjeçar. Kujtojmë se ishin oficerët e policisë së Çikagos ata që qëlluan për vdekje 13-vjeçarin e identifikuar si Adam Toledo. Ngjarja ishte tejet e frikshme dhe tronditëse, ndërsa këtë të enjte janë publikuar edhe pamjet e ekzekutimit të 13-vjeçarit.
Mësohet se e gjithë ngjarja e rëndë është regjistruar nga kamerat trupore. Imazhet tregojnë një oficer të paidentifikuar i cili vihet në ndjekje të djalit. Nga audio dëgjohet se oficeri është dëgjuar të ketë thënë "Policia! Ndal!” Në këtë moment djali vendos dy duart në kokë, teksa oficeri e qëllon në gjoks. Sipas avokates së familjes, Adeena Weiss-Ortiz, oficerët nuk kanë të drejtë të vrasin një fëmijë i cili është i paarmatosur. Mësohet se Toledo dhe një 21-vjeçar, i identifikuar si Ruben Roman kanë qëlluar me armë në ajër dhe në këtë moment policia ka mbërritur në vendin e ngjarjes.
Pas ardhjes së oficerëve, të rinjtë kanë vrapuar që të shpëtojnë nga arrestimi, por pa sukses pasi Roman u arrestua nën akuzën “Armëmbajtje dhe përdorim të paligjshëm të armëve të zjarrit”, teksa 13-vjeçari u qëllua për vdekje. Menjëherë pas kësaj ngjarje të rëndë, kryetarja e bashkisë ka premtuar ndryshim në policinë e vendit, ndërsa ka ngushëlluar familjen, ka deklaruar se policia ka të drejtë të arrestojë dhe jo të vrasë. Pas përcjelljes së trupit të pajetë të 13-vjeçarit, avokatët e familjes Toledo u shprehën se ata po kryejnë hetimet për vdekjen e të ndjerit.
Burimi: abcnews.go.com/Përktheu dhe Përshtati: JOQ Albania