Gjykata e Tiranës ka dënuar me 35 vite burg, ish-gardistin Alket Arapaj i cili akuzohet për vrasje në familje. Kjo pasi ai ekzekutoi në banesën e tij bashkëshorten Evelina Seferaj. Ngjarja ka ndodhur më 12 shkurt të vitit 2019 ku 44-vjeçari Alket Arapaj qëlloi disa herë pa mëshirë me armë mbi trupin e gruas së tij Evelina Seferi në banesën e tyre në katin e katërt në një lagje në Allias, ku brenda ndodhej edhe vajza e tyre e mitur. ngjarja ka ndodhur në dhomën e ndenjes dhe Arapaj ekzekutoi me armën e shërbimit 36-vjeçaren.
Ai e qëlloi tre herë bashkëshorten e tij duke e lënë atë të vdekur në vend, ndërsa shkak i krimit të rëndë, ishte xhelozia. Ishin fqinjët që pas krimit lajmëruan policinë pasi dëgjuan të shtënat me armë zjarri dhe fëmijën e mitur të çiftit duke qarë. Policia shkoi menjëherë në vend ngjarje duke bërë të mundur arrestimin në flagrancë te ish-gardistit, i cili nuk bëri rezistencë. Çifti njihej nga fqinjët si njërëz model dhe pa probleme mes tyre.
