Sipas një raporti të fundit të OKB, miliona grave dhe vajzave në të gjithë botën u është mohuar liria në lidhje me trupin e tyre. Gati gjysma e grave në 57 vende të botës përballen me kufizime në atë që mund të bëjnë me trupat e tyre, të tilla si të kryejnë marrëdhënie seksuale, të përdorin kontracepsion ose të kërkojnë kujdes shëndetësor, thanë Kombet e Bashkuara ditën e sotme. Këto përfshijnë lirinë për të zgjedhur në mënyrë të pavarur. Shefja e UNFPA Natalia Kanem i etiketoi gjetjet si “skandaloze”, duke thënë se në thelb “qindra miliona gra dhe vajza nuk zotërojnë trupat e tyre. Jeta e tyre drejtohet nga njerëz të tjerë” – theksoi ajo. Studimi i quajtur "Trupi im është i imi" rendit sulmet ndaj grave në 57 vende, duke filluar nga përdhunimi te sterilizimi i detyruar deri te testet e virgjërisë dhe gjymtimi i organeve gjenitale. Raporti rendit 20 vende ose territore në të cilat thotë se ka ligje që lejojnë një përdhunues të martohet me viktimën në mënyrë që të shpëtojë nga akuzat penale.
Burimi: sbs.com.au |Përktheu dhe përshtati:JOQ ALBANIA