Edi Rama është tashmë në një takim me të rinjtë në Laprakë. Nga ky takim ai ka folur për emigracionin e tij dhe është shprehur se pushtetin e do vetëm për Shqipërinë. Në këtë fjali ka futur edhe Erion Veliajn, i cili e prezantoi në këtë takim. Gjithashtu Rama theksoi se në aspektin personal i ka prekur të gjitha majat.
Ai është shprehur:
Nuk jam këtu për veten time. Në aspektin personal i kam realizuar të gjitha, i kam prekur të gjitha majat. I kam patur të gjitha nderet që merr kur të voton populli. Ka një dallim të madh, ne, unë, Erioni, e duam pushtetin për Shqipërinë, ata e duan Shqipërinë për pushtetin. Për ta Shqipëria është vendi i të gjitha të zezave kur ata nuk e kanë pushtetin, dhe kur janë në pushtet, për ta Shqipëria është plaçkë dhe shqiptarët mish për top. Dikush që përsërit të njëjtën gjë dhe pret pre rezultate të ndryshme është budalla. Jemi këtu për ekonominë, mirëqenien, turizmin, shëndetësinë. Do bëjmë atë që po bëjmë sot duke fituar mbi pandeminë dhe tërmetin.
