Këto janë disa prej shefave në “AlbControl”, familjarë të drejtuesve të qeverisë e kupolës politike!

Pezullimi i punës së kontrollorëve të trafikut ajror në aeroportin e Rinasit riktheu edhe njëherë vëmendjen e të gjithëve te ajo çfarë ndodh në ambientet e brendshme të këtij institucioni që jo shumë njerëz e dinë. Punonjësit e “AlbControl” e cila është kompania shtetërore që duhet të menaxhojë hapësirën ajrore shqiptare, pezulluan punën për shkak të stresit dhe paaftësisë për të punuar. “Albcontrol” është kompania me numër identifikimi J61908011H që ofron shërbimin e menaxhimit të trafikut ajror dhe prej shumë vitesh menaxhohet nga ministrja aktuale e Infrastrukturës, Belinda Balluku.

Por në një kohë që kryeministri Edi Rama i mëshon faktit që në shërbimet publike dhe institucionet zyrtare nuk duhet të ketë punësime që kanë të bëjnë me lidhje familjare e klanore-partiake, krejt e kundërta ndodh në realitet. Duket se Rama ka harruar të ‘hedhë një sy’ nga “AlbControli” i Ballukut që është kthyer në një institucion klanor ku të shefat kanë lidhje me politikën e vazhdojnë punën të qetë çdo ditë. Të gjithë ata, që komandojnë e kontrollojnë punët në këtë ndërmarrje, janë familjarë të shefave të qeverisë e kupolës politike, të cilët, kryeministri i kapur nga krimi, nuk i largon dot, mbasi ata i kanë kryer, mbuluar e zhdukur shumë zullume. Ndërsa në vitin 2019 në krye të “AlbControl” është vendosur Mina Kusta, emër i njohur për tenderimet në favor të oligarkëve të qeverisë e vetë Ramês.

Ja disa prej shefave në “Albcontrol”, që kanë lidhje familjare me shefat e politikës

1. Norbis Qazimi, vëllai nga nëna, i deputetit Fatmir Xhafaj
2. Ana Shkëmbi, mbesa e gruas së deputetit Fatmir Xhafaj
3. Ledio Ruçi, djali i Kryetarit të Kuvendit, Gramoz Ruçi
4. Tomi Agaçi, familjar i Ëngjëll Agaçit, sekretarit të Përgjithshëm të Kryeministrisë.
5. Sonia Popa, anëtare Bordi, bashkëjetuese e Petrit Vasilit, Drejtore e Turizmit-Ministri
6. Mirlinda Karcanaj, anëtare Bordi, shoqe e Linda Ramës dhe ortake në OJF, Drejtore e AKSHI
7. Sulo Hadëri, anëtar Bordi, ish-Dekan i Fakultetit Ekonomik, që u ka dhënë “Doktoratura” e dypunësime si pedagogë, shefave të partisë.
8. Genci Gjonçaj, anëtar Bordi, Sekretar i Përgjthshëm i Kuvendit
9. Ardit Çollaku, anëtar Bordi shok i Olsi Ramës, Agjencia Kombëtare e Turizmit
10. Redi Fino, djali i Bashkim Finos
11. Stela Malaj, nusja e djalit të deputetes Nora Malaj
12. Rovena Bregu, motra e Majlinda Bregut
13. Florjan Gjiknuri, djali xhaxhait i (ish)ministrit Damian Gjiknurit
14. Martin Sterkaj, djali deputetit Paulin Sterkaj
15. Arlind Broci, djali i (ish) gjyqtarit Artan Broci
16. Blerta Tusha, gruaja e Artur Bushit, kryebashkiak i Krujës
17. Eneo Zguri, djali ish-kreut të KQZ, Klement Zguri
18. Brisilda Spahiu (Celibashi), vajza e Nesim Spahiut, kryebashkiak i Skraparit
19. Joana Bushi, ka koncesionin e shërbimeve të kontrollit në “Albcontrol”, me kompaninë “ICTS Albania-Integrated Services”, aktualisht Drejtore në ANTA-Rinas, ish-shefe kabineti e Edi Ramës në Bashkinë e Tiranës, grua e Eno Bushit, Drejtor Juridik i PS dhe avokat i Kryeministrit Edi Rama

(Shënim:Lista është e vitit 2019)