Gjatë kohëve të fundit vendi ynë është tronditur nga atentate mafioze që duhet thënë se janë shtuar shumë dhe po marrin jetë njerëzish. Tirana, Durrësi, Vlora, Shkodra, Fieri dhe Elbasani janë qytetet kryesore ku bandat kriminale veprojnë dhe atentatet kryesore të kohëve të fundit janë zhvilluar në këto qytete. Ndërsa ditën e djeshme, gazetari Ferdinand Dervishi gjatë një emisionni televiziv bëri deklaratën e fortë ku tha se bandat në Vlorë përdorin një vaksë me acid për zhdukjen e trupave. Ai tha se në Vlorë janë disa persona që duhet t’ua dëgjosh fjalën, në të kundërt përfundon i zhdukur.
Mua nuk më tremb shumë Elbasani, aty kemi një bandë, po them organizatë kriminale, por ajo që më shqetëson mua është lidhja e tyre me politikën. Fakti që në Shqipëri, grupet kriminale në disa qytete filluar nga Vlora, Fieri, Elbasani, Tirana, Durrësi, Shkodra unë shikoj që bandat e fuqishme ndonjëherë janë dhe të paprekura. Bandat ndajnë pushtetin dhe tendert me politikën. Eshtë shumë e thjeshtë t’i trokasësh një grupi të tillë për një emërim dhe shumë thjesht, emërohesh. Elbasani është shumë i lexueshëm, unë Vlorën nuk e lexoj dot fare. Për Vlorën kam dëgjuar nga persona që duhet t’ua dëgjosh fjalën se aty ekziston vaska me acid. Këtë unë e kam dëgjuar në Vlorë nga persona, që duhet t’ua dëgjosh fjalën.
