Para pak ditësh kryeministri Edi Rama prezantoi inxhinieren Luljeta Bozo si kandidate për zgjedhjet parlamentare të 25 prillit duke thënë se do të jetë përfaqësuesja e pensionistëve në parlament. Por në një intervistë të dhënë së fundmi shembulli i Ramës që duhet ndjekur nga të gjithë na ka shokuar me shembullin që ajo vetë ndjek. Bozo tregoi se ka shembull Enver Hoxhën kur u pyet çfarë mendimi kishte komunizmin.
Pa u menduar gjatë dhe duke mos shfaqur asnjë shenjë pendimi, Bozo tha se Enver Hoxha kishte më shumë anë pozitive se sa negative. Duket se një nga arsyet që Rama e ka zgjedhur Bozon janë pikërisht edhe bindjet e saj, komuniste.
Pyetje: Enver Hoxha a ishte diktator?
Luljeta Bozo: Ishte diktator, në ato që ishte.
Pyetje: Çfarë dëmesh i ka shkaktuar Enver Hoxha dhe figura e tij kombit shqiptar?
Luljeta Bozo: Po t’i vësh në balancë, ka më shumë anë pozitive sesa negative.
