Derbi i fundit i Milanit do të mbahet mend për shumë gjatë e kjo jo vetëm për fitoren e Interit por edhe për përolasjen mes dy sulmuesve, Ibrahimovic dhe Lukakut. Sherri mes tyre nisi pas pjesës së parë ku kuqezinjtë e Stefano Piolit kaluan në avantazh me një gol nga suedezi, Zlatan. Ishte Lukaku ai që e humbi toruan pas një ndërhyrjeje të Alessio Romagnolit ndaj tij, duke e shfaqur tërbimin me kapitenin e kuqezinjve. Ibrahimovic ndërhyu duke e sharë belgun dhe këto sharje e ofendime u cilësuan si raciste. Tifozët dhe jo vetëm i cilësuan si të gabuara këto ofendime, por Zlatan Ibrahimovic nuk do të ndëshkohet nga Milani për këto fjalë fyese dhe përplasjen me Lukakun. Ibrahimovic dhe Lukaku janë në pritje të vendimit nga gjykata sportive, por kuqezinjtë kanë vendosur të mos e gjobitin suedezin.
