Sukthi nën ujë/ Banorët: Po na mbysin si miu, qeveria hap digat dhe na përmbyt

Për shkak të reshjeve të shumta të shiut dhe prurjeve të mëdha të ujit, Lumi i Erzenit ka dalë nga shtrati dhe si pasojë shumë banorë janë izoluar. Ndërkohë, disa prej banorëve kanë folur për faxneës dhe kanë thënë se nuk kanë asnjë ndihmë nga shteti, ndërsa theksojnë se kjo është hera e tretë që ata përmbyten. Sipas tyre uji ka arritur deri në katin e parë të shtëpisë dhe janë shkatërruar të gjitha bashkë edhe rezervat ushqimore që kanë mbledhur për bagëtitë. Ndërkohë, një banore është shprehur se kryetari i bashkisë ka shkuar për të parë gjendjen dhe është larguar pa lajmëruar banorët.

Më konkretisht, ajo është shprehur se:

Kemi marrë lekë borxh nëpër njerëzit tanë për të rregulluar shtëpi se ku do të flije në ujë. Ka ardhur kryetari i Bashkisë dhe ka ikur fluturimthi asnjë nuk është lajmëruar, ne na ka ardhur na ka mbytur si miu. Filmoje dhe zotërinë atje a bëhemi më ne në këto kohë Covid-i.

Gjithashtu, një tjetër banore thotë se:

Dy batanije na kanë sjellë dhe dy oriz e makarona. Jam vetë e 6 në shtëpi jam pa punë tani edhe pa shtëpi. Nuk kam asnjë gjë në shtëpi të gjitha janë shkatërruar.

Një banor theksoi se kjo është hera e tretë që përmbyten, ndërsa shtoi se kjo është përgjegjësi e shtetit, pasi hapin digat dhe uji përmbyt banesat e tyre.

Banori u shpreh se:

Është hera e tretë që përmbytemi ne. Shikojeni si po na mbyt shteti mos të thonë që është punë partie por këtë po na i bën shteti hapin digat po na mbysin.