Zbardhen detaje të reja nga ngjarja e rëndë që ndodhit pasditen e djeshme në sheshin e Agios Sostis, në Athinë ku humbi jetën një 58-vjeçar shqiptar dje u plagosën dy djemtë e tij 22 dhe 28 vjeç dhe kamarierja e një lokali aty afër. Policia greke po kërkon një makinë Opel dhe ngjyrë gri, pasi autorët u larguan nga vendi i ngjarjes me këtë makinë. Babai i të rinjve duket se është përpjekur të mbrojë djalin e tij, por nuk ia arrit pasi u plagos për vdekje. Autorët arritën në vendngjarje me një makinë gri dhe u larguan me të në zonën e Petralona. Burimet e policisë thonë se sipas vlerësimeve të tyre, personat e armatosur nuk shkuan në Sheshin Agios Sostis për të vrarë. Më shumë gjasa, shpërtheu një grindje që rezultoi në të shtënat.
Burimet e policisë:
Mes të plagosurve është një grua, e cila nuk kishte asnjë lidhje me incidentin. Njëri nga të plagosurit po trajtohet në gjendje kritike, pasi ai mori një plumb në kokë, ndërsa i plagosuri tjetër ndodhet jashtë rrezikut për jetën. Departamenti i Vrasjeve i Sigurisë së Atikës po shqyrton të gjitha mundësitë. U mblodhën gëzhojat nga vendi i ngjarjes, të cilat u dërguan në Drejtorinë e Hetimeve Kriminalistike për ekzaminim, në mënyrë që të shqyrtohej nëse armët ishin përdorur në të kaluarën në veprime kriminale.
Burimi:newsboomb.gr Përktheu dhe përshtati:JOQ ALBANIA
