Vrasja e katërfishtë në familje/ Flet kunati i kryefamiljarit: Na u prishën krejt planet

Katër anëtarëve të familjes Zuka nga fshati Pozheran i Vitisë, iu dha lamtumira e fundit para dy ditësh, pasi një natë para Vitit të Ri, kryefamiljari Fetah Zuka, privoi nga jeta gruan Makfiren dhe dy djemtë e tyre, 23 dhe 18 vjeç Hamdiun dhe Arbërin. Motivet e shuarjes së kësaj familjeje nuk bëhën ende me dije, pasi të afërmit e viktimave kanë deklaruar se nuk kanë pasur njohuri nëse çifti kishte pasur probleme. Ndërkohë, vëllai i Makfires, Ramadan Ademi, tha se bashkë me dhëndrin, motrën e dy nipërit kanë ardhur nga Zvicra në Kosovë, e po ashtu kanë pasur plane që të ktheheshin bashkë atje, por tragjedia ua prishi krejt planet.

Më konkretisht, ky i fundit është shprehur se:

S’ka pas asgjë, ka qenë no comment, se edhe unë bashkë me ta kam ardhur prej Zvicrës, po ngjarja është no comment. Bashkë kemi ardhë prej Zvicrës, bashkë do iknim, por ndodhi dhe na i prishi krejt planet. Gjithashtu, ai shtoi se me familjen Zuka, janë përshëndetur në ditën e varrimit, ndërsa me Makfirën kanë ndejtur ditën kur ka ndodhur tragjedia, bashkë me motrat e tjera dhe hallat.

Kujtojmë se ditën e Vitit të Ri, vëllai i Fetahut, Vetoni, rrëfeu ngjarjen duke thënë se gjithçka ndodhi për dy minuta.