ALBtelecom vjedh qytetarët: Vazhdojmë të paguajmë akoma taksën e 80 lekëve

Të gjithë e dimë tashmë që kompanitë telefonike në Shqipëri vjedhin qytetarët dhe nuk i ndihmojnë aspak ata me “ofertat” e shumta që disponojnë, gjithmonë sipas reklameve të tyre. Të shumta kanë qenë ankesat e qytetarëve për kompaninë e ALBtelecom, që nga ofertat që disponojnë, çmimet stratosferike dhe vjedhjet nga ana e kompanisë në fjalë. Rasti i fundit është i një qytetari, i cili pranë redaksisë së JOQ ALBANIA ka dërguar një mesazh ku thotë se ALBtelecom po e vjedh haptazi. Qytetari thotë se, ALBtelecom kishte prishur kontratën me DigitAlb dhe Klan dhe për pasojë kompania e ALBtelekom e hoqi Klan-in nga kjo paketë. Por, më pas ALBtelecom i sugjeroi qytetarëve që në rast se dëshironin mund ta shihnin sërish, por me 80 lekë të reja shtesë. Por, gjëja akoma më “interesante” është se Klan-i kaloi sërish në paketën DigitAlb, ndërsa qytetarët vazhdojnë të paguajnë akoma 80 lekë.

Më konkretisht, qytetari është shprehur se:

Përshëndetje. Në 1 qershor 2019 Klan Tv prishi marrëveshjen që kish me digitalbin punët e tyre edhe nuk intereson pse, ajo që më shqetëson mua është Albtelecom që mbas prishjes së kësaj kontrate digitalb dhe klan, albtelecom e hoqi klanin nga kjo paket për gjithë pajtimtarët dixhital në IPTv. Dhe më pas doli me një ide tjetër se në rast se donin të gjithë abonentët e paketës digitalb mund të paguanim 80 të rinj shtesë që mund ta shikonim. Po sot që Klani kaloj përsëri në paketën digitalb pse duhet ende ta paguajmë këtë 80. Ato mund të jenë 80 lek të qelbura, por si tha Qazim Mulleti 5 lek të qelbura andej e 5 lek të qelbura këtej po dale një herë se nuk janë me lek të qelbura sepse u bën 10 lek, imagjinoni sa abonent ka Albtelecom me paket internet plus iptv e sa lek po na vjedh, se kjo në një farë forme është vjedhje.