Pas vrasjes së Klodian Rashës, detaje të reja janë zbardhur nga ekspertiza mjeko-ligjore. Pas këqyrjes së trupit të pajetë të të ndjerit dhe sipas relacionit për masë sigurie që ka bërë prokuroria ndaj policit është arritur në përfundimin se Rasha nuk ka marrë asnjë plumb në kokë. Ajo që bëhet me dije është se plaga në kokë është hapur nga mjekët për ekspertizë.
Deri më tani bëhet me dije se arma që është gjetur pak metra larg vendngjarjes, është sportive, tip ‘Zoraki’. Pas këqyrjes së armës, është arritur në konkluzionin se ajo ka pasur 1 fishek në fole e 2 fishekë në karikator. Rasha është qëlluar në brinjë, por plumbi qëndroi në zemër. Plumbi i ka prekur një organ jetik e për pasojë i ka shkaktuar vdekjen ndërsa plumbi tjetër nuk e ka prekur fare. Prokuroria tashmë është në pritje të ekspertizës për gjurmët e gishtërinjve tek arma nëse ajo ka qenë në dorën e Rashës.
