Një ngjarje e rëndë ndodhi mëngjesin e sotëm, ku një efektiv policie qëlloi me armë 25-vjeçarin Klodian Rasha në Laprakë. Sipas efektivit, i riu ka refuzuar t'i bindet urdhrit të ndalimit të policisë dhe e ka kërcënuar me armë. Për këtë arsye efektivi e ka qëlluar dhe i ka marrë jetën, ndërsa është justifikuar se e bëri për vetëmbrojtje.
Sipas fqinjëve Rasha kishte pasur probleme shëndetësore, por nuk ishte agresiv. Fqinjët thanë se ai ishte njeri flori dhe shumë i mirë duke hedhur poshtë pretendimet e policisë se ai i kishte kërcënuar ata me armë zjarri.
Ndërkohë një qytetar ka shkruar në redaksinë e JOQ ALBANIA duke thënë se e njihte të riun 25-vjeçar dhe se ishte i sëmurë pasi më parë kishte kaluar në temperaturë. Më tej qytetari shkruan Rasha dilte gjithmonë vetëm në rrugë duke kërkuar cigare, dhe policia e ka vrarë për mos-bindje në një kohë kur ai ishte i sëmurë dhe nuk kuptonte.
Mesazhi i qytetarit:
“Kam pas nje djal komshi te shtepia ku kam qene me qera te pallati i sportit.25-vjec, i semure qe ka kaluar ne temperature, dilte gjithmone vetem dhe kur me shihte ndonje here te rrugica me kerkonte cigare. Dje ne oren 2 te nates, e paska vra policia per mos-bindje, kur ai eshte i semure dhe nuk kupton.”
