Mesfushori i Kombëtares, Ergys Kaçe, duket se ka hedhur pas krahëve momentet e vështira në karrierën e tij dhe pas transferimit te Arisi i Selanikut, po rikthehet te forma e dikurshme. Futbollisti shqiptar ka gjetur rrugën e rrjetës ditën e sotme në kampionatin grek ndaj Atromitos. Korçari u fut në fushë në minutën e 60’, kur rezultati ishte 2-0 në favor të Atromitos dhe pas vetëm një minute në fushë, shqiptari e dërgoi topin në rrjetë, duke shënuar golin e parë për skuadrën e tij.
Mbrojtësi i Atromitos, Golvao bën një gabim në largimin e topit, përfiton Silva i Aris, i cili shkëputet bukur në të majtë, kroson në zonë aty ku ndodhej Kaçe, i cili gjuan drejt portës dhe topi ndalet në rrjetë, me porterin e Atromitos që nuk e dal dot. Ky është goli i shënuar nga shqiptari:
