Një ngjarje e rëndë tronditi Tiranën pak muaj më parë, ku u krye një atentat me lëndë plasëse ndaj Preng Gjinit. Ndërkohë ngjarja është risjellë edhe njëherë në vëmendje nga gazetarja Klodiana Lala, e cila ka publikuar një dokument ku thuhet se Preng Gjini është autor i dyshuar i 'eliminimit' të Gasper Reçit, në Itali. Sipas saj, konfliktet kanë nisur si shkak i prishjes së pazareve të 'mallit' në shtetin fqinj.
DOKUMENTI I POLICISË:
Sipas informacioneve të siguruara na rrugë operative rezulton se kjo ngjarje ka ardhur si pasojë e konflikteve të ashpra, gjakmarrje/hakmarrje që familja gjini ka me familjen Reçi nga qyteti i Rrëshenit. Këto konflikte janë si pasojë e prishjes së pazareve të drogës në shtetin italian, ndërmjet shtetasit Gasper Reçi me të dëmtuarin Preng Gjini. Sipas të dhënave shtetasi Gaspër Reçi është 'eliminuar' në shtetin Italian në vitin 2017. Si pasojë e këtyre konflikteve në vazhdim në datën 12.08.2019 në qytetin e Rrëshenit është 'eliminuar' Armando Gjini, vëllai i të dëmtuarit Preng Gjin, si dhe ngjarja e ndodhur në qytetin e Tiranës në datën 15.09.2020 ku është dëmtuar rëndë shtetasi Preng Gjini.
Më tej gazetarja e pyet Sandër Lleshin nëse Policia e Shtetit ka dështuar ë parandalojë një ngjarje kaq të rëndë
Lleshaj:
Nuk ka dështuar fare. Aspak! Aty flitet për informacion të siguruar në rrugë operative. Edhe një thashethem merret në rrugë operative. Nuk mund të thuhet se Pólicia e ka ditur autorin dhe nuk e ka kapur. Po nxitni një konflikt. Janë 'eliminuar' njerëz, është e vërtetë dhe është një situatë e pasqaruar.