Borussia Dortmund ka marrë mbrëmjen e djeshme një lajm të keq, teksa ka humbur lojtarin më të mirë, Erling Haaland, te i cili nuk do të mund të mbështetet më, së paku deri në fund të këtij viti. Norvegjezi ka qenë i ftuar për ndeshjen e Champions League kundër Lazios, por, pak minuta para takimit, u bë i ditur lajmi se ai nuk do të mund të luajë, si shkak i një dëmtimi.
Sipas informacioneve të para nga Gjermania, Haaland nuk do të luajë dot deri në fund të këtij vitit. Kjo do të jetë një mungesë e madhe për verdhezinjtë, sepse 21 vjeçari Haaland ka shënuar 17 gola në 14 ndeshje dhe është një nga sulmuesit më në formë në gjithë europën.