Një ngjarje e rëndë dhe e dhimbshme ka ndodhur në Kosovë. Një grua rreth 50-vjeçe ka braktisur fëmijën e saj, ndërsa pas këtij akti është arrestuar. Shtetësja e prangosur është identifikuar me inicialet Sh. B., 50-vjeçe, banuese në Kukës.
Arrestimi i saj erdhi falë bashkëpunimit të DVP Kukës dhe Policisë Kufitare Morinë me Policinë e Kosovës, ndërsa u bë e mundur edhe lokalizimi dhe kthimi i 17-vjeçares.
Njoftimi i policisë:
Procedohet penalisht një shtetase, për veprën penale "Braktisja e të miturit". Specialistët e Seksionit për Hetimin e Trafikut të Paligjshëm dhe Narkotikëve në DVP Kukës proceduan në gjendje të lirë shtetasen Sh. B., 50 vjeçe, banuese në Kukës. Procedimi ndaj saj filloi pasi ka braktisur në Kosovë, vajzë e saj të mitur 17 vjeçe. Falë bashkëpunimit të DVP Kukës dhe Policisë Kufitare Morinë me Policinë e Kosovës është bërë i mundur lokalizimi, gjetja dhe kthimi i 17-vjeçares në Shqipëri. Materialet i kaluan Prokurorisë së Rrethit Gjyqësor Kukës, për veprime të mëtejshme.