Fansat e futbollit janë ende të tronditur në lidhje me ndarjen nga jeta të legjendës Diego Armando Maradona.Por është një person, ndoshta një nga të paktët në botë, i cili ende nuk e di që Maradona ka ndërruar jetë. Askush nuk 'guxon' t’i japë lajmin Carlos Bilardo-s, trajnerit kampion bote të Argjentinës në 1986, i cili tani është 82 vjeç dhe vuan nga çrregullime të shëndetit mendor. Bilardo nuk ishte vetëm trajneri i Maradonës, por edhe baba birësues, aq sa disa herë gjatë viteve ai deklaroi se “Diego ishte djali që nuk e pati kurrë”.
Jorge Bilardo, vëllai i tij, shpjegoi se kur u dha lajmi, familjes iu desh të fikte televizorin në mënyrë që Carlos të mos e dëgjonte lajmin tragjik.
Burimi: en.as.com |Përktheu dhe Përshtati: JOQ Albania
