Klubi italian i Napolit, do të ndryshojë emrin e stadiumit “San Paolo” në “Diego Armando Maradona” për nder të legjendës së klubit të tyre, i cili u nda mbrëmjen e djeshme nga jeta. Ishte fillimisht presidenti i skuadrës napolitane, Aurelio De Laurentiis, i cili me të marrë vesh për vdekjen e legjendës, deklaroi se ekziston mundësia që stadiumi “San Paolo” të emërohet sipas argjentinasit legjendar.
Sipas gazetarit italian, Fabrizio Romano, ndryshimi i emrit do të ndodhë, stadiumi “San Paolo” do të riemërohet në nder të Diego Armando Maradonës. Maradona në fillim të muajit nëntor kreu një ndërhyrje të suksesshme në tru, por ai vdiq papritur mbrëmjen e djeshme në moshën 60 vjeçare nga një atak kardiak.
