JOQ Albania
App Store
SHKARKO
Home
JOQ Albania

Rrëfimi i trishtë i kosovares së përdhunuar nga forcat serbe: Kam provuar 10 herë të vetëvritem
Shkruar nga: V Gashi | Publikuar më: 21/11/2020 23:13

  • Share
  • Share
  • Share
  • Share

E mbijetuara e dhunës seksuale gjatë luftës në Kosovë, ka rrëfyer se kishte provuar të vetëvritej pas përdhunimit nga forcat serbe. E ftuar në Kanalin 10, kjo e fundit është shprehur se gjatë asaj kohe për shkak të torturave që përjetoi i humbi edhe kujtesa. Ajo ka treguar më tej se kur u përdhunua ishte përpjekur 10 herë që të vrasi veten, pasi nuk mund të harronte kujtimet e “hidhura” që kishte përjetuar.

Kjo e fundit, është shprehur se:

“Edhe pse kam qenë e shkolluar, mua ma kanë humbur edhe kujtesën edhe shkrim-leximin. Në stacion më patën lidhur serbët e më thonin gjeje Adem Demaçin, a e keni dikë në UÇK? Pastaj më pyesnin serbisht për gjarprin, unë nuk e dija për kë është fjala, tash e di që ka qenë Thaçi. 10 herë jam munduar të bëj vetëvrasje. E kemi pasur një bunar në oborr, dhjetë herë më ka zënë nëna duke dashur të kërcej. Sa herë doja të kërcej në bunar, e dëgjoja zërin e saj e si u kthejsha në shtëpi më thoshte a ishe te bunari a , sikur ia ndjente zemra se po ndodhte diçka.”