Një ngjarje banale ka përfshirë tre shtetas në qytetin e Himarës, ku pas një zënke për motive të dobta, tre të rinjë kanë marrë peng dhe kanë rrahur një 41-vjeçar. Familjarët e të dhunuarit kanë denoncuar rastin, ndërsa më pas policia ka nisur hetimet. Pas kqyrjes së informacioneve të mbledhura, blutë kanë arretuar 3 të rinj, përkatësisht dy vëllezërit Nikoll Medha 26 vjeç dhe Ardjan Medha 31 vjeç, si dhe shokun e tyre, Ilirjan Miska 26 vjeç. Mësohet se pas dhunës së ushtruar nga të rinjtë, 41-vjeçari është arratisur në Mursi, të Konispolit. Gjithashtu në cilësinë e provës materiale, blutë e Vlorës kanë sekuestruar mjetin tip “Opel” të përdorur nga tre të rinjtë.
Njoftimi i plotë i policisë:
Policia e Himarës, më datë 27.10.2020, ka marrë një njoftim se në lagjen nr. 1, Himarë, 3 shtetas, në bashkëpunim me njëri-tjetrin, kishin marrë me forcë në mjetin tip “Opel”, shtetasin S. G., 41 vjeç, të cilin e kanë dhunuar fizikisht dhe më pas e kanë mbajtur jashtë vullnetin të tij. Menjëherë, shërbimet e Policisë Himarë, në bashkëpunim me strukturat hetimore të DVP Vlorë, nën drejtimin e Prokurorisë kanë organizuar punën për zbardhjen e ngjarjes, gjetjen e personit, si dhe për identifikimin dhe arrestimin e autorëve. Pas një pune profesionale dhe hetimore u bë e mundur zbardhja e ngjarjes, identifikimi i autorëve, si dhe gjetja e personit, i cili pasi ishte dhunuar dhe mbajtur disa orë peng, nuk kishte njoftuar Policinë, por ishte larguar në drejtim të Sarandës pa njoftuar as familjarët e tij. Mbi bazën e provave të grumbulluara, shërbimet e Policisë Himarë, në bashkëpunim me forcën e posaçme “Shqiponja”, bënë të mundur kapjen dhe ndalimin e shtetasve: N. M., 26 vjeç, A. M., 26 vjeç (vëllezër), dhe I. M., 26 vjeç, banues përkohësisht në Himarë. Arrestimi i këtyre shtetasve u bë pasi në bashkëpunim me njëri-tjetrin, për shkak të mosmarrëveshjeve që kishin më parë, për motive të dobëta, kanë marrë me forcë në makinën e tyre, shtetasin S. G., të cilin e kanë dhunuar fizikisht e më pas e kanë braktisur në një zonë të pyllëzuar, 2 km në lindje të qytetit të Himarës. Pas disa orësh, shtetasi S. G. ka shkuar në banesën që kishte me qira në Himarë, është mjekuar dhe është larguar në drejtim të Sarandës, ku më pas është gjetur në fshatin në fshatin Mursi, Sarandë, duke punuar në punë sezonale.
