Një sasi eksplozivi ka shpërthyer mëngjesin e sotëm në Vlorë, në derën e banesës së Tahsim Banushaj. Kur dëgjoi zhurmën e shpërthimit të tritolit, 69-vjeçari ka kontrolluar gjithë banesën e cila nuk ka pasur dëmtime dhe ka dalë të kontrollojë për komshinjtë, ndërsa ka konstatuar derën e rrëzuar. Banushi sqaron se nuk ka konflikte me njeri dhe përjashton mundësinë e një konflikti të mundshëm të fëmijëve. Ish-kasapi thotë se ndoshta dikush i ka ndonjë borxh të prapambetur.
Banushaj shprehet:
Ishim në gjumë ora 3 pa 10 pa çerek, dëgjpojmë një krismë, dhe i them gruasn obobo, tërmet. Dolëm te dera dhe po diskutonim me fqinjtë ndodhi te ty ndodhi te unë, kur dola aty dhe pashë derën i thashë gruas ”kjo qenka dasma jonë”. Dikush mund të më ketë ndonjë birxh se kam punuar si kasap, por mua nuk më shkon mendja te njeri. Fëmijët i kam të rregullt pa probleme, jetoj vetëm me gruan.
Njoftimi i Policisë:
Më datë 30.10.2020, rreth orës 03:16, në lagjen Hajro Çakërri, Vlorë, në pjesën e jashtme të banesës së shtetasit Xh.B., 69 vjeç, ka shpërthyer një sasi e vogël lëndë plasëse, ku si pasojë ka vetëm dëme të vogla materiale. Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.
