Pandemia Covid-19 prej 7 muajsh ka 'pushtuar" botën, përfshirë edhe vendin tonë, ndërsa e gjithë vëmendja e mjekëve dhe shëndetësisë në përgjithësi është përqendruar pikërisht në përpjekjet për parandalimin dhe kurimin e virusit. Por ky është një problem më vete, pasi ka krijuar një 'boshllëk' në shërbimet ndaj pacientëve me sëmundje të zakonshme. E në rastin tonë, duke marrë parasysh se si është katandisur shëndetësia, çështja bëhet më e vështirë dhe më e ndjeshme.
E pohojmë diçka të tillë nisur nga fakti se vetëm para pak ditësh, një 53-vjeçar i identifikuar si Lutfi Çekiri nga Ndroqi i Tiranës, humbi jetën pasi u sorollat nëpër dyert e spitaleve të kryeqytetit, por pa mundur të merrte kurimin dhe trajtimin e nevojshëm mjekësor. Vetëm një ditë para se të ndërronte jetë, ai u intrevistua dhe deklaroi se QSUT dhe Spitali i Traumës nuk i dhanë ndihmë mjekësore, çka çoi në përkeqësimin e gjendjes së tij shendetësore deri sa në fund u nda tragjikisht nga jeta.
Një skandal tjetër ky, i cili tregon edhe njëherë 'fytyrën' e vërtetë të Shëndetësisë shqiptare dhe ngre pikëpyetje të mëdha tek qytetarët nëse mundet apo jo t'ia besojnë jetën spitaleve në vend. Lidhur me këtë çështje JOQ Albania krijoi një sondazh.
Pyetja e shtruar ishte:
Nga votimi i qytetarëve u pa se 92% e tyre u shprehën se e kanë humbur besimin tek shëndetësia dhe shërbimet spitalore në vend, ndërsa një pjesë fare e vogël prej 8% votuan se vazhdojnë akoma të kenë besim.
