Zhdukja e mistershme e 19-vjeçares shqiptare në Greqi ka bërë që familjarët të humbasin shpresat në gjetjen e saj. Gjurmët e saj nuk dihen ende, ndërsa hetimet janë përqëndruar tek rrethi i saj shoqëror. Sipas prindërve atë ditë vajza kishte dal nga shtëpia për të shkuar në një intervistë pune, konkretisht në një dyqan lodrash në Koropi, por më pas nuk është kthyer në shtëpinë e saj. Pasi janë parë kamerat e sigurisë në këtë dyçan, është arritur në konkluzionin se Vasili nuk ka qenë kurrë atje.
Ndërkohë familja deklaron se Artemis kishte takuar një 24-vjeçar përmes Facebook dhe rrallë kishte dalë me të, pasi prindërit e saj nuk ishin pozitivë në lidhje me këtë njohje. Hetuesit dyshojnë se ai mund të jetë përgjegjësi kryesor i zhdukjes së vajzës. Kohët e fundit, miqtë e saj e kanë parë vajzën me trishtim për shkak të ndarjes së saj nga i riu. Sipas informacioneve, vajza 19-vjeçare kishte 40 euro me vete kur doli nga shtëpia dhe po bëhen përpjekje për të gjetur telefonin e saj cellular, në mënyrë që të zbardhen Akoma dhe më shumë detaje nga zhdukja e saj.
