Më 11 tetor të këtij viti 19-vjeçari Ilirjan Hasanaj qëlloi me armë në drejtim të makinës të shefit të Policisë Bashkiake të Malësisë së Madhe, Mentor Hasanaj, duke e plagosur atë dhe babain e tij Xhelal Hasanajn. I riu u vetëdorëzua në polici bashkë me kushëririn e tij e tij 23-vjeçar Verzan Bajrakurtaj, banues në lagjen Dobraç, Shkodër. Gjykata e Shkodrës ka lënë në burg 19-vjeçarin Ilirjan Hasanaj, i cili akuzohet se i kreu atentat shefit të Policisë Bashkiake Malësi e Madhe. Po ashtu, Gjykata e Shkodrës ka lënë në burg edhe Bajrakutajn.
Në rrëfimin para uniformave blu, 19-vjeçari është shprehur se e ka kryer këtë akt nën ndikimin e alkoolit pa vetëdije të plotë, ndërsa ka mohuar përfshirjen e kushëririt të tij në atentat. Ai ka thënë se ky i fundit e ka marrë me makinë por nuk ka pasur dijeni për ngjarjen. Ndonëse kanë të njëjtin mbiemër 19-vjeçari nuk ka lidhje farefisnore me shefin e Bluve. Teksa ai priti deri në momentin kur makina e policisë bëri një ndalesë dhe më pas u afrua duke qëlluar me motorin e tij tip “Papaq”, i cili u gjet rreth orës 16:00, 500 metra larg vendit të ngjarjes.
