Prej shtatë vitesh Edi Rama ka marrë pushtetin dhe drejtimin e vendit. Propaganda e fryrë dhe premtimet e mëdha ishin në qendër të fushatës së tij para se të vinte në pushtet. Por të gjitha rezultuan një flluskë sapuni, pasi premtimet elektorale jo vetëm që nuk u mbajtën, por u thellua edhe më keq gjendja socio-ekonomike në vend. Përfshirja e kriminalitetit në politikë është një nga 'tiparet dallues' të Rilindjes, ku shumë kriminelë u futën në poste drejtuese e deri në parlament.
Një tjetër fenomen shqetësues është dhe ikja e të rinjve dhe të sapo diplomuarve jashtë shtetit për një jetë dhe mundësi më të mirë. Kjo pasi shteti këtu nuk u siguron asnjë të ardhme dhe shpresë punësimi. Problematikë tjetër gjithashtu është dhe sistemi shëndetësor. Në Shqipëri, sistemi shëndetësor publik vuan nga mungesa e personelit, investimeve në infrastrukturë dhe pajisjeve mjekësore. Qytetarët akoma duhet të presin orë e ditë të tëra në radhë për të marrë shërbimin bazë, ndërsa shendetësia falas ngeli një premtim në letra!
Gjithashtu një pjesë e shqiptarëve janë katandisur në mjerim dhe varfëri, ndërsa së fundmi gjendja ekonomike e tyre është rënduar më shumë edhe për shkak të pandemisë së koronavirusit, ku shumë prej tyre humbën vendet e punës. Në mënyrë të përgjithshme këto ishin disa nga problemet akute të shoqërisë shqiptare dhe defiçencës së qeverisë Rama. Natyrisht lista është e gjatë, por në vazhdim do të bëjmë dhe analiza të tjera.
Lidhur me qeverisjen e Rilindjes këto shtatë vjet, JOQ Albania krijoi një sondazh.
Pyetja e shtruar ishte:
Nga rezultati i votimit u pa se 75% e qytetarëve u shprehën se Rama nuk ka bërë asnjë punë të mirë në 7 vjet qeverisje, ndërsa vetëm një pakicë prej 25% votuan se Rlindja ka bërë punë të mira.
