Teksa tragjedia që la pas tërmeti i 26 nëntorit po i afrohet vitit, pasojat ndihen ende si në aspektin material ashtu edhe njerëzor. Durrësi ishtë një nga qytetet më të goditura vitin e kaluar. Sipas të dhënave historike, tërmetet kanë shkatërruar disa herë Durrësin, teksa lëkundjet sizmike renditen të parat për katastrofat që mund t’i krijojnë vendit fatkeqësitë e tjera natyrore. Në vendet më të rrezikuar nga tërmetet, Shqipëria renditet e 43-ta në botë. Ekspertët tregojnë se vendi nuk ka as fondet e as infrastrukturën e mjaftueshme për të përballuar dukuri të tilla.
Përtej pasojave sociale, këto fenomene natyrore të pashmangshme kanë ndikim të madh në ekonominë e vendeve. Shqipërisë, ndër vite, i është dashur të paguajë një faturë të lartë për shkak të dëmeve që kanë krijuar fatkeqësitë, të tilla si tërmetet, përmbytjet dhe zjarret etj. Ndërkohë ditët e fundit vendi ynë është goditur disa herë nga tërmete relativisht të vegjël, por që kanë ngjallur panik te shumë njerëz, për faktin edhe të mungesës së kapaciteteve profesionale dhe përgatitjes për raste të tilla nga ana e shtetit.
Kujtojmë se vitin e kaluar pa ndihmën e të huajve, vendi ynë do ta kishte të pamundur të reagonte në kohë për shpëtimin e jetëve të njerëzve. Lidhur me këtë çështje shqetësuese, JOQ Albania krijoi një sondazh.
Pyetja e shtruar ishte:
Rezultoi se 86% e votueve u shprehën se shteti shqiptar nuk ka kapacitete të tilla, ndërsa vetëm një pjesë e vogël prej 14% mendojnë se shteti është i përgatitur.
