I njohur si “truri” i grupit, Dritan Rexhepi mund të ekstradohet drejt Shqipërisë

Detaje të reja janë dhënë në lidhje me Dritan Rexhepin. E ftuar në emisionin "Opinion" gazetarja Fatjona Mejdini komentoi aksonin e bujshëm "Los Blancos", ku Rexhepi mendohet se është truri i grupit. Sipas gazetares, Dritan Rexhepi do të ekstradohet drejt Shqipërisë, por do i duhet të presë për një periudhë 5-vjeçare.

Ajo tha:

Sipas informacioneve, Rexhepi do të qëndrojë edhe 5 vite në Ekuador, sepse ka patur konflikt të kërkesave për ekstradim në Shqipëri dhe Itali. Për dy arsye i është dhënë prioritet Shqipërisë sepse është vendi i origjinës dhe e dyta sepse vetë Dritan Rexhepi ka kërkuar të ekstradohet në Shqipëri. Në këtë situatë ku jemi Shqipëria duhet të presi edhe 5 vite për ta ekstraduar. Kjo do të thotë që për 5 vite që ai do të jetë aktiv.

Dritan Rexhepi është kërkuar për t’u ekstraduar në Itali, Britaninë e Madhe dhe Belgjikë. Gazetari Artan Hoxha deklaroi se Rexhepi është arratisur nga tre burgje të sigurisë së lartë në Europë dhe më pas është zhvendosur në Ekuador në vitin 2014.