Chelsea po bën blerje të fuqishme në merkato/ Shpërthen Klopp: Janë pronë e oligarkëve

Chelsea është momentalisht ekipi më aktiv në merkaton europiane, teksa po bën blerje të fuqishme duke shpenzuar shifra të mëdha. Blutë e Londrës po përforcojnë ndjeshëm ekipin dhe kanë si objektiv titullin kampion sezonin tjetër.

Gjithsesi, për trazuar pak ujërat, ka menduar rivali i tyre, Jurgen Klopp. Trajneri i Liverpoolit, ka folur duke iu referuar shpenzimeve marramendëse dhe deklaruar se klube të tilla janë pronë e shteteve dhe oligarkëve.

Gjermani tha:

Sot jetojmë në një botë që ka shumë pikëpyetje. Për disa klube që janë pronë e shteteve apo të oligarkëve, duket se nuk ka rëndësi fare fakti që e ardhmja është e paqartë. Ne jemi një klub ndryshe. Arritëm finalen e Champions League para dy vitesh, e fituam para një viti dhe sezonin pasardhës fituam Premier League pikërisht duke qenë ky klub që jemi. Nuk mund të ndryshojmë brenda ditës dhe të themi “duam të sillemi si Chelsea”. Nuk mund të blesh 11 lojtarët më të mirë në botë dhe të presësh që javën tjetër të luajnë futbollin më të bukur në botë. Duhet punë në stërvitje. Edhe ne duam të përmirësohemi, të kemi grupin më të mirë të lojtarëve, por ka mënyra të ndryshme për ta arritur këtë.

Deri tani, Chelsea ka shpenzuar plot 223 milionë euro me blerje në merkato. Ndërkaq, Liverpooli ka shpenzuar vetëm 13 milionë euro për mbrojtësin e majtë grek Konstantinos Tsimikas, i blerë nga Olympiakos, një shifër modeste krahasur me rivalët.