Interi duket se po planifikon të risë akoma më shumë eksperiencën në skuadër.
Pas akordit me Kolarov, tashmë është radha e Arturi Vidal të zbarkojë te zikaltërit.
Mediat në Itali e Spanjë kanë raportuar akordin e arritur mbi këtë çështje.
Gjigandët katalanas i kanë dhënë dritën e gjelbër që të lëviz pa ndonjë kosto, por duke hequr dorë nga viti i fundit i pagesës.
Antonio Conte është gati për ta patur sërish në skuadër, me të cilin Vidal u rrit së tepërmi në Itali.
Kontrata që do të firmosë kiliani është për dy sezone me të drejtën e rinovimit edhe për një tjetër, ndërsa do të fitojë 6 milionë euro në vit.