Partia Demokratike ka zbuluar skandalin e radhës të Edi Ramës. Pas Igli Gjelishtit fshihet gazetari dhe pronari mediatik Carlo Bollino, të cilit sipas PD-së, Rama nëpërmjet Akshit dhe Igli Gjelishtit, i ka kaluar gati 1 miliardë lekë nga taksat e shqiptarëve, vetëm në 7 muaj. ”SPAK është para një tjetër prove për të treguar se është një institucion i krijuar nga drejtësia e re për të luftuar korrupsonin. Faktet janë aty, denoncimet janë aty, mjafton vetëm të hetohet dhe autorët e vjedhjeve të parave te shqiptarëve të përballen me ligjin dhe drejtësinë”- ka deklaruar PD përmes ish-deputetit Endri Hasa.
Deklarata e PD-së:
Kanë kaluar 24 ore qe kur partia demokratike pyeti publikisht Edi Ramen se kush fshihet pas Igli Gjelishtit kompania e te cilit ka marrë ne dy vitet e fundit 7.5 miliardë leke tendera. Edi Rama edhe ne këtë rast ka vendosur te fshihet.
Partia Demokratike do të publikojë sot skemën korruptive te tenderave qeveritare per kompaninë Web & Communications Development dhe kush janë përfituesit e miliarda lekeve te shqiptareve. Ne disponojmë te dhënat për faturat e kompanisë së Igli Gjelishtit nga shtator 2019 deri ne mars 2020.
Vetem per periudhe 7 mujore kompania Web & Development Communication i ka transferuar kompanise C-7-Kommunication Systems 899.959.250 leke dhe kompanisë Media Content 52.894.800 leke.
Nga te dhënat e qendrës kombetare te biznesit kompania C-7-Kommunication Systems eshte ne pronësi te MTSC shpk ose Report TV i Carlo Bolino. Ndersa kompania Media Content eshte ne pronësi te FFM Group shpk e cila eshte 80% ne pronësi te Alba Malltezit ,bashkëshortes se pronarit te report TV Carlo Bolinos.
Pra siç shikohet qarte nga dokumentat Edi Rama nëpërmjet Akshit dhe Igli Gjelishtit i ka kaluar Carlo Bolinos vetëm ne 7 muaj afro 1 miliarde leke nga taksat e shqiptareve. Pyetja qe lind është perse këto para kane përfunduar ne llogarite e kompanive te Bollinos?!
Carlo Bolino ka marre miliarda leke nëpërmjet tenderave publike te qeverise se Edi Rames per te bere makiazhin e propagandës qeveritare. Duke përdorur Igli Gjelishti dhe shume te tjerë si ai, Carlo Bolino eshte bere përfitues i parave te taksapaguesve shqiptare.
Kjo është skema e transferimit te afro 1 milard lekeve ne xhepat e Carlo Bollinos per llograri te Edi Rames. Kjo skeme tregon qarte mënyrën se si Edi Rama nëpërmjet tenderave fiktive transferon miliardë leke në xhepat e miqve te tij dhe mediave qe bëjnë propagandën e rilindjes.
SPAK është para një tjetër prove për të treguar se është një institucion i krijuar nga drejtësia e re per te luftuar korrupsonin. Faktet janë aty, denoncimet janë aty, mjafton vetëm te hetohet dhe autoret e vjedhjeve te parave te shqiptareve te përballen me ligjin dhe drejtësinë.