Gjendja në doganën e Kakavijës është shqetësuese për të mos thënë alarmante. Raportuam më herët se disa qytetarë janë shoqëruar drejt spitalit me ambulancë pasi kanë kaluar ditë e netë me radhë në pritje në makinat e tyre.
Ata presin të kalojnë doganën me synimin e vetëm, shmangien e datës 16 gusht kur hyn në fuqi vendimi i palës greke për karantinimin e emigrantëve që vijnë nga Shqipëria për të paktën 7 ditë.
Për "BW" qytetarët janë shprehur se janë ende në pritje dhe nuk dinë asgjë as çfarë do ndodhë nesër.
Qytetarët shprehen të indinjuar para kamerave dhe me të drejtë pasi në makina ka gra, fëmijë e të moshuar.
Ora 22:00 shënoi edhe përfundimin e orarit zyrtar të punës nga ana e palës greke ndërsa u njoftua se do rihapet nesër në orën, 06:00.