Detyroi shoferin serb të vendosë muzikë shqip, modeles shqiptare i bëjnë “gjëmën”

Me 200 mijë ndjekës në Instargam modelja shqiptare, Lorena Haliti është padyshim një yll i rrjeteve sociale por edhe e suksesshme në profesionin e modeles.

Ajo jeton në Amerikë prej kohësh ku edhe ushtron profesionin e saj. Por së fundmi, Lorena, po përballet me një ngjarje tejet të pazakontë me kompaninë “Uber”.

Teksa kishte marrë një taksi në SHBA ajo i ka kërkuar shoferit të kompanisë t’i vendosë disa këngë shqip. Duket se nuk ka qënë fati për modelen sepse shoferi ka qënë serb dhe ka nisur një ankesë për kompaninë, tek e cila i ka krahasuar shqiptarët me nazistët dhe pjesëtarë të Klanit KKK.

Shoferi serb ka shkruar tek kompania e tij se modelja shqiptare i kishte kërkuar të vendoste në makinë muzikën e një populli që “ata i ka shkelur dhe masakruar”.

Pas ankimit të një punonjësi të tij, kompania “Uber” ka bllokuar menjëherë llogaritë e modeles në “Uber” dhe “UberEats”.

“Uber” ofron shërbime taksie, si edhe dërgesa të ushqimeve. Modelja i ka shkruar kompanisë duke thënë se po mbështesin një rast të qartë racizmi por ende nuk ka marrë asnjë përgjigje prej tyre.

E bëra shoferin tim serb të dëgjojë muzikë shqiptare.

Kështu ka shkruar modelja në një status në Twitter.