Nuk ka më shtretër/ Pipero: Javën tjetër hapim Covid 3, ka me qindra raste që mund të shtrohen

Pak ditë më parë u raportua për ezaurimin e shtretërve në Spitalin Infektiv dhe Shefqet Ndroqi, por tashmë është e konfirmuar. Mjeku Pëllumb Pipero ka zyrtarizuar lajmin se numri i shtretërve në dy spitalet Covid është ezauruar dhe se po bëhen përgatitje për hapjen e qendrave të tjera spitalore.

Në një intervistë për Tv Klan, Pipero tha se numri i lartë i të infektuarëve, i bën ata kandidatë për të kërkuar një shtrim të mundshëm në ditët në vijim. Sipas tij, spitali Covid 3 do të hapet javën e ardhshme ndërsa fton strukturat rajonale të shëndetësisë të përgatiten edhe për stinën e vjeshtës.

Pëllumb Pipero tha:

Rastet akive që janë jashtë spitalit, ndonëse janë pa simptoma, një pjesë e tye janë kandidatë për të ardhur në spital. Spitali Covid 3 besoj se javën që vjen do të hapet. Është bërë gati gjithçka. Në vijimësi do të hapet edhe Covid 4. Por unë kam pasur mendimin që të gjitha strukturat rajonale duhet të bëhen gati të happen në fillim të shtatorit sepse fundi i vjeshtës dhe fillimi dimrit sjell edhe virozat e stinës.