Gjenerali Lleshi pak ditë ditë më parë u krenua se numri i vrasjeve me dashje ka pësuar një ulje në 7-mujorin e parë të vitit. Gjenerali harroi se për disa javë vendi ishte në karantinë dhe qytetet ruheshin me ushtarë e tanke. Pas hapjes së vendit, bandat e terrorit u rikthyen sërish në terren duke nisur larjen e hesapeve.
Sipas statistikat në 20 ditët e fundit kanë ndodhur 7 vrasje. Secila prej tyre ka treguar se siguria në vend është zero dhe se të kërcënuar janë edhe jetët e pafajshme. Bilanci mund të ishte edhe më i rëndë nëse plumbat që u zbrazën në hotelin e Tushemishtit mëngjesin e kësaj të shtune do të qëllonin mbi objektiv. Aq më tepër një ngjarje e paralajmëruar e cila kërcënoi edhe dhjetra turistë.
Po Elbasanin, a e harroi gjenerali? Qyteti me më shumë ngjarje kriminale, ku vetëm në pak ditë u kryen 3 vrasje, 2 vetëm brenda një nate. Shifrat flasin se përgjatë muajit korrik të këtij viti u kryen 5 vrasje, 1 më shumë se sa viti i shkuar. Zanafila e vrasjeve lidhet më së tepërmi me ekzekutime mafioze ç’ka lë të kuptohet se krimi në këtë vend u frenua vetëm gjatë kohës së karantinës. Në këto kushte, kush i garanton shqiptarët se dalja në rrugë çdo mëngjes do t’i rikthej sërish në mbrëmje në shtëpi?