Që kur SHBA-BE detyruan Parlamentin Shqiptar të miratonte reformën në drejtësi dhe nisën lëvizjet për ngritjen e SPAK dhe Byrosë Kombëtare të Hetimit, Ilir Meta dhe Monika Kryemadhi, dërguan në Angli fëmijët dhe një pjesë të parave të korrupsionit dhe krimit. Në të njëjtën kohë, Ilir Meta nisi të kalonte të gjithë pasurinë në emrin e Monikës, me qëllim që kur të vijë ora e dretësisë të shpëtojë njëri. Nga ana e saj, Monika Kryemadhi ka nisur të shesë pasuritë e palujtshme, duke i kthyer në para, për t’i shpëtuar nga sekuestrimi. Paratë janë më të vështira për t’u sekuestruar, pasi po i dërgon me çanta jashtë vendit, përmes ushtarëve të tyre. Kohë më parë, partnerët ndërkombëtar zbuluan se Adriatik Llalla, ushtari i Metës në krye të Prokurorisë së Përgjithshme, largonte para të pista jashtë vendit.
Të njëjtën strategji po ndjek edhe Arben Ahmetaj, aleati dhe miku i besuar i Ilir Metës, të cilët që të dy sëbashku inaguruan hotelin e Eskobarit të Ballkanit, Klement Balilit, në Sarandë. (Kush ka dyshime të hapë videot publike, ku Meta mban fjalim dhe Ahmetaj i qëndron pranë). Ministri i caktuar nga Edi Rama për të ‘menaxhuar’ paratë e ‘Tërmetit’ dhe ‘Koronavirusit’, Arben Ahmetaj, i njohur edhe si ‘Tigri’ i qeverisë, ashtu si Meta, ka dërguar vajzën në Angli, dhe nën kamuflimin e saj po dërgon një pjesë të parave jashtë vendit. Gjatë vitit 2019, Ahmetaj ka dërguar në Angli shumat 51 mijë pound dhe 36 mijë paund. Nga një llogari e Arben Ahmetajt, gjithashtu janë dërguar 40 mijë euro në një bankë në Angli, gjatë vitit 2019.
Përveç pallatit në Selitë, vilave, apartamenteve dhe makinave, Ahmetaj dhe bashkëshortja e tij kanë miliona euro në bankat e nivelit të dytë në Tiranë. Nga verifikimet Ahmetaj dhe bashkëshorta e tij kanë këto depozita, gjendje në llogaritë bankare dhe plane kursimi: 270 mijë euro, 135 mijë euro, depozitë 300 mijë euro, 114 mijë euro, 214 mijë euro, 10 milionë lekë, bashkëshortja 34 milionë lekë bono thesari, 3 772 euro; vajza llogari me gjendje 13 872 dollarë, 30 mijë euro, 3 259 pound, 36 723 pound dhe 51 571 pound. Ahmetaj gjithashtu deklaron një plan kursimi për pension me vlerë rreth 60 milionë lekë, depozitë për vajzën mbi 40 mijë euro. Gjithashtu, bashkëshortja Albina Mancka ka një llogari rrjedhëse, plan kursimi për pension, me vlerë mbi 120 milionë lekë. Këto të dhëna janë një pjesë e pasurisë së deklaruar nga ‘Tigri’ i qeverisë. Ka dyshime se pasuria e tij dhe e Ilir Metës, të cilën e kanë fshehur në parajsa fiskale dhe kaluar në emër të personave të tjerë, të ketë një vlerë marramendëse. Marrë nga Pamfleti
