Raportohet se është zbardhur vrasja e Florian Lamçes mëngjesin e sotëm në Elbasan. Në pranga kanë rënë dy persona, dhëndri i ish-kryetarit të Bashkisë së Elbasanit Qazim Sejdini, Sokol Sanxhaktari dhe shoku i tij Adriano Hajdari. Policia ka njoftuar se sherri ka nisur për motive të dobëta dhe banale, madje ata kanë qenë duke pirë bashkë deri në orët para të mëngjesit. Dyshimet e para janë se viktima është qëlluar me shishe birre, nga e cila ka marrë plagë të rënda që i kanë shkaktuar vdekjen.
Florian Lamçja është vëllai i Olti Lamçja, i cilia ka ekzekutuar Almir Canin disa vite më parë, pronar i një diskoje në Elbasan. Ndërkohë u publikua edhe fotoja ku Florjan Lamçe po pinte bashkë me autorët.
Njoftimi i plotë i Policisë:
Zbardhet dhe dokumentohet ngjarja e ndodhur në orët e para të mëngjesit të sotëm, në lagjen “Luigj Gurakuqi”, ku humbi jetën shtetasi F. L., 30 vjeç.
Vihen në pranga 2 shtetas, autorë të dyshuar për vrasjen e 30-vjeçarit.
Shërbimet e Policisë, pas njoftimit të marrë për ngjarjen e ndodhur rreth orës 04:00, në lagjen “Luigj Gurakuqi”, Elbasan, ku shtetasit A. H., 42 vjeç, S. S., 34 vjeç dhe F. L., 30 vjeç, në gjendje të dehur ishin mkofliktuar me njëri-tjetrin me sende të forta, për motive të dobëta dhe si pasojë e plagëve të marra shtetasi F. L., ndërroi jetë në spital, kanë shkuar menjëherë në vendngjarje.
Falë reagimit në kohë dhe veprimeve të shpejta e profesionale të kryera nga specialistët për Hetimin e Krimit në Komisariatin e Policisë Elbasan u bë e mundur kapja e autorëve të dyshuar për vrasjen e 30-vjeçarit. Në përfundim të veprimeve të para hetimore, nën drejtimin e Prokurorisë Elbasan, u bë arrestimi në flagrancë i shtetasve:
H., 42 vjeç dhe S. S., 34 vjeç, banues në Elbasan.
Arrestimi i këtyre shtetasve u bë pasi dyshohen për kryerjen e veprës penale “Vrasja me dashje”, e kryer në bashkëpunim”, në lidhje me ngjarjen e ndodhur ditën e sotme, rreth orës 04:00, në lagjen “Luigj Gurakuqi”, ku në bashkëpunim njëri-tjetrin, pas një konflikti për motive të dobëta, kanë vrarë me sende të forta shtetasin F. L.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprën penale “Vrasja me dashje” e kryer në bashkëpunim.
