Raportuam se para disa ditësh në zonën e ish-Bllokut pati të shtëna me armë. Nga vijimësia e hetimeve rezultoi se mbeti i plagosur Gazmir Bushaj, bodigardi i F. H dhe Rois Babasi, djali i ish-deputetit të PD, Ndriçim Babasi.
Kjo ka bërë që të identifikohet dhe të shpallet në kërkim personi që ka qëlluar me pistoletë. Nuk ka asnjë dyshim se personi, që ka hapur zjarr me një pistoletë tip “Bereta” duke qëlluar Gazmir Bushaj, është Even Babasi, djali tjetër i ish-deputetit të PD.
Ai është në kërkim ndërsa akuzohet për “Mbajtjes pa lejë të armëve” dhe “Plagosjes së rëndë me dashje”.
Ngjarja:
Nga pamjet e filmuara në kamerat e sigurisë rezulton se rreth orës 00:30 të datës 16 korrik 2020, Even Babasi, qëlloi me armë zjari në drejtim të bodigardit të djalit të biznesmenit të njohur F. H, duke e lënë të plagosur në këmbë.
Shkak është bërë përpjekja e dytë e Bushaj, për të goditur me thikë, vëllain e Evenit, Rois Babasin, i cili momentalisht ndodhet i shtruar në një spital privat jashtë rrezikut për jetën.
Ish-polici Gazmir Bushaj është i proceduar për “Plagosje të lehtë me dashje” në dëm të Rois Babasit.
Sipas raportit të prokurorisë në këtë përplasje të ndodhur në ish-bllok, janë përfshirë djemtë e oligarkëve, si djali i I. H., F. H. dhe bodigardi i tij, Gazmir Bushaj, dy djemtë e deputetit të PS T. D, J. dhe M. D., djemtë e ish-deputetit të PD, Ndriçim Babasit, Even dhe Rois Babasi, si dhe Ervis Bajraktari dhe Ritvan Toskaj.
