Kuksiani arrestohet në Londër, momenti ndiqet live nga ministrja britanike

Një shqiptar 24-vjeçar ra në prangat e policisë britanike gjatë operacionit të koduar “Venetic”.

Ai quhet Alsi Vata dhe është me origjinë nga Kukësi. Vata akuzohet për trafik të armëve të zjarrit, municion, si dhe drogë të klasit A ​​dhe B.

Operacioni i arrestimit të të riut shqiptar në Londër është ndjekur live prej ministres Priti Patel.

Ai u arrestua nga oficerët e NCA, të mbështetur nga Shërbimi Policor Metropolitane. Mësohet se Vata do paraqitet në Gjykatën e Leeds Crown më 17 korrik 2020.

Peter Stevens, Komandanti i Degës në NCA, tha:

Është e pamohueshme se nivelet e dhunës dhe shfrytëzimit të prostitucionit janë të lidhura me drogërat dhe armë të paligjshme në Mbretërinë e Bashkuar. Trajtimi i rrjeteve që fshihen pas këtij lloji kriminaliteti është përparësi për NCA dhe Operacioni “Venetic” është dëshmia jonë më domethënëse në luftën kundër krimit të organizuar.

NCA mundi të futet në serverat e kompania EncroChat që shiste telefona të kriptuar me një abonim 2000 euro për 6 muaj.

Operacioni “Venetic” i shtrirë në të gjithë Anglinë ka mundësuar arrestimin e 746 personave dhe në kuadër të tij janë sekuestruar 54 milionë stërlina, 77 armë dhe më shumë se dy ton drogë.