Pas një pauze gati 3-mujore, futbolli u rikthye në Europë dhe tashmë situata duket e normalizuar, por përtej oqeanit ky sport ende i ndaluar dhe po has probleme të mëdha.
Pandemia e koronavirusit vazhdon ende dhe ekipet akoma nuk janë rikthyer në fushat e blerta.
Në kampionatin meksikan, konkretisht tek ekipi i Cruz Azul, ka pasur një përhapje të madhe të Covid-19. Janë plotë 22 persona që kanë rezultuar pozitivë në testet e zhvilluara.
Sipas raportimit të “Sky TG24”, janë 8 lojtarë nga ekipi i meshkujve dhe 14 nga ekipi i femrave, të cilët tashmë janë të izoluar.
Ankthi dhe paniku tashmë është për kontaktet e tyre. Kampionati vazhdon të jetë i ndaluar, por pritet që gjithçka të rifillojë në fillim të korrikut.
