Një peticion që kërkon "drejtësi për George Floyd" është bërë peticioni online më i nënshkruar i të gjitha kohërave.
Peticioni u ngrit pas vdekjes së 46-vjeçarit afro-amerikan, George Floyd, i cili u mbyt në mënyrë brutale nga një oficer policie, që i vendosi gjurin mbi qafë për gati 9 minuta, duke bërë që ai të humbiste jetën.
Ishte oficeri i policisë, Derek Chauvin, ai që i mori jetën 46-vjeçarit, i cili nuk ndjeu aspak keqardhja ndaj thirrjeve të dëshpëruara të Floyd-it që ai të ndalonte. Chauvin akuzohet për vrasje të shkallës së tretë.
Incidenti fatal gjithashtu ka shkaktuar një valë protestash jo vetëm në qytetet më të mëdha të SHBA-së, por edhe në shumë shtete të botës.
Peticioni online i postuar në Change.org ka grumbulluar më shumë se 11.5 milion nënshkrime. Ky është peticioni më i madh i Change.org i të gjitha kohërave.
Ndër të tjera në postim thuhet:
Postimi është publikuar në Change.org nga dikush anonim që ka ngritur fushatën Kellen.
Në shkrim i bëhet thirrje njerëzve që të dërgojnë edhe një video të shkurtër jo më shumë se 30 sekonda, ku të shpjegojnë arsyet pse e nënshkrojnë peticionin dhe se çfarë do të thotë për ta vendosja e drejtësisë për George Floyd.
Në postim sqarohet se nuk është e nevojshme që nënshkruesit e peticionit të japin informacione të tyre personale, ndërsa garantohen që videot nuk do të ndahen me asnjë palë të tretë.
Peticioni mund të gjendet këtu: www.change.org/p/mayor-jacob-frey-justice-for-george-floyd
Burimi: LADbible|Përktheu dhe Përshtati: JOQ Albania