E dhunuan teksa mblidhte kanaçe, i riu rom: Policët bashkiakë më dhanë dy mijë lekë pasi më rrahën

Policia Bashkiake e "Lali Erit" dhunoi mbrëmjen e së hënës një të ri rom i cili po mblidhte kanaçe për të siguruar bukën e gojës, ndërsa pamjet e rënda shkakuan mjaft indinjatë.

I riu që u dhunua nga Policia Bashkiaka ka rrëfyer së fundmi se si u dhunua nga policët e Bashkisë.

Ai tregoi për RTV Ora se në momentin që e rrahën, bashkë me të ndodhej edhe bashkëshortja e tij shtatzanë.

Qytetari rom, i cili po mblidhte kanaçe, tregon se pasi e dhunuan, policët bënë një tjetër akt të shëmtuar.

Ai thotë se i dhanë 2 mijë lekë dhe u larguan. Por i riu rom nuk hoqi dorë dhe i denoncoi në komisariatin nr. 6.

Ai u shpreh:

Më morën me zor dhe më futën në makinën e policisë bashkiake. Unë insistoja të mos futesha në makinë, pasi kisha dhe nusen me vete që ishte dhe shtatzënë. Ata më dhūnuan dhe duke më tërhequr me zor për të më future në makinë. E panë që ishin gabim, më rrafën dhe më pas më dhanë një dy mijë lekësh dhe u zhdukën. Unë vajta në komisariatin nr 6 dhe bëra kallëzim.

Në lidhje me këtë ngjarje ka reaguar edhe Avokati i Popullit, ndërkohë që në komisariatin nr 6 është dorëzuar një kallëzim penal ndaj dy efektivëve të policisë bashkiake.