Pak ditë më parë u bë virale videoja ku dy policë të Veliajt dhunoin një të ri rom, i cili ishte duke mbledhur kanoçe pranë një koshi plehrash. Nga pamjet e publikuara në rrjetet sociale shihej sesi dy policët, pasi tentuan ta fusnin në makinë të riun, e përplasën fort në trotuar, teksa ai bërtiste që ta lëshonin.
Lidhur me këtë ngjarje të turpshme, mësohet se së fundmi Avokati i Popullit i ka dërguar Policisë Bashkiake një sërë pyetjesh lidhur me ngjarjen.
Në këtë dokument, institucioni, gjithashtu kërkon edhe identifikimin e policëve që ushtruan dhunë ndaj të riut.
Ende nuk ka ndonjë reagim nga Bashkia e Tiranës për këtë ngjarje që po shihet pothuajse përditë. Kujtojmë se kjo nuk është hera e para që policia e Veliajt vepron në mënyrë shtazarake ndaj qytetarëve.