Ish-deputetja e Partisë Demokratike ka ngritur dyshime të forta në lidhje me situatën e koronavirusit në Shqipëri.
Në një intervistë për emisionin "Në Fokus", Vokshi deklaroi se shifrat reale të vdekjeve nga Covid-19 janë shumë herë më të larta se ato të publikuara zyrtarisht.
Ajo theksoi se Rama shfrytëzoi situatën e pandemisë për të grumbulluar më shumë pushtet, ndërsa shtoi se kurba u përgatit në zyrat e tij pa një bazë reale statistikore.
Madje, ish-deputetja tha se edhe në lidhje me raportimet zyrtare të vdekjeve ka shumë të pavërteta.
Vokshi tha:
Pándemia është shfrytëzuar nga Edi Rama, për të mbledhur dhe grumbulluar më shumë pushtet në duart e tij, ndaj edhe kurba e të prekurve në Shqipëri është pa sens, pa logjikë, e vetmja kurbë e cila nuk mund të lexohet nga askush, eshtë një kurbë e përgatitur në zyren e Ramës, sepse ashtu do ti shërbej atij, ai është munduar të krijojë një situatë sureale në mendjen dhe kokën e shqiptarëve, në mënyrë që të shfrytzonte këtët situatë në duart e tij. Kjo kurbë nuk ka sens, sepse nuk ka një bazë statistikore reale. Unë nuk besoj në shifrat e MSH, pasi Rama, i përdor për qëllimet e veta. Edhe lidhur me raportimet e rasteve të vdékjes ka pasur shumë të pavërteta. Janë deklaruar shumë persona në disa vende, si psh në Has, qe kane pasur shume te semure, që kanë humbur jetën dhe nuk janë raportuar fare, bazuar nga shenjat që kanë pasur. Numri i personave është shumë herë më i madh se sa është deklaruar publikisht dhe zyrtarisht në Shqipëri. Edi Rama është munduar të mbaj çdo shifër të prodhuar në zyrat e tij dhe të shpërndarë nga MSH, për ta pasur të gjithë situatën e pándemisë për interesat e tij.
