“Më ndaloi njëri e më shau”, avokati tregon ç’i ndodhi në rrugë: Më trishtoi fakti që ishte shumë i vuajtur!

Avokati Adriatik Lapaj ka ndarë në rrjetet sociale një incident që i ka ndodhur teksa po kalonte në rrugë.

Përmes një postimi në "Facebook", Lapaj tregon se është ndaluar në rrugë nga një burrë, i cili e ofendoi.

Ai shton se pasi qytetari që s'e njihte e shau, e falenderoi dhe heshti në ato momente, teksa shton se burri në fjalë e pa si "armik të partisë" dhe vijoi ta shante.

Avokati tregon se qytetari mbeti i zhgënjyer nga heshjta e tij, ndërsa thekson se ajo që i mbeti në mendje ishte mënyra si ai ishte veshur dhe dhëmbët që i mungonin.

Sipas tij, qytetari ishte shumë i vuajtur dhe një gjë e tillë e trishtoi.

Lapaj thotë se edhe për këtë qytetar duhet të luftojmë, pasi tjetër kush është fajtor për gjendjen e tij të mjeruar.

Statusi i plotë:

Më ndodh të takoj e përshëndetem rrugës me qytetarë që nuk i njoh. Më japin forcë për të thënë problematika që i mundojnë. Sot më ndaloi një burrë i cili dukej i stërmunduar nga jeta. Më sháu…se kuptova pse…thjeshtë më sháu…dukej që më shikonte si armik të partisë! I thashë faleminderit! Më sháu prapë. I thashë sërish faleminderit! Më pa fòrtë dhe nuk po kuptonte si mund ti përgjigjesha në atë mënyrë. Priti reagim, priti ta shája. Donte kònflikt. U zhgënjye. Ika, por më mbeti në mendje mënyra si ishte veshur, dhëmbët që i mungonin…sa shumë i vuajtur ishte! Më tríshtòi ky fakt…😔😔😔 Nuk isha fajtòr për gjendjen e tij. Tjetër kush ishte dhe është. Nuk më demotivoi, përkundrazi më dha forcë. Edhe për atë duhet të luftojmë.