Një 48-vjeçar i shumëkërkuar dhe i dënuar për trafik të lëndëve narkotike, është arrestuar nga policia e Elbasanit.
I arrestuari është shtetasi me iniciale A.Ç i shpallur në kërkim ndërkombëtar nga autoritetet italiane.
Ndaj tij më datë 17.02.2020, është vendosur masa e sigurisë arrest në burg, pasi ai akuzohej për trafikim të lëndëve narkotike dhe ushtrim të aktiviteteve kriminale.
Mësohet se itinerari që ndiqte ai ishte nga Spanja në Itali, ku kryesisht trafikonte kokainë me qëllim për ta shitur në Itali.
I arrestuari do të ekstradohet në shtetin fqinj, sipas Konventës Evropiane të Ekstradimit dhe marrëveshjes me shtetin italian.