Një ngjarje e rëndë u raportua mëngjesin e djeshëm në Berat.
Një fëmijë 4-vjeçar humbi jetën, për shkak se ra në kontakt me rrymën elektrike. Vogëlushi u çua me urgjencë në spital pasi ka qenë ende me shenja jete. Ai ka marrë kujdesin e mjekëve, por nuk ia ka dalë dot të mbijetojë.
Ngjarja ndodhi në parkun e qytetit, në krah të pedonales. Vogëlushi ka prekur një nga telat e dritave të vendosur në tokë nga Bashkia e Beratit. Xhami i dritave ishte thyer dhe Bashkia nuk kishte marrë asnjë masë, duke rrezikuar jetën e shumë fëmijëve që luajnë në park.
Fatkeqësisht nga kjo neglizhencë humbi jetën 4-vjeçari dhe deri më tani nuk po mban përgjegjësi asnjë.
Për më tepër, propagandohet që faji është i fëmijës. Një qytetar ka dërguar pranë redaksisë së JOQ ALBANIA, reagimin e një faqeje të njohur në rrjetet sociale, Berati, ku sipas tij është faqja e PR të bashkisë Berat. Në atë reagim thuhet se puna e bashkisë është e madhe dhe se thyerja e xhamit të dritës që shkaktoi vdekjen e fëmijës ishte shkaku kryesor.
E turpshme të shikosh që deri më tani nuk ka asnjë përgjegjës për këtë ngjarje, e aq më pak një reagim serioz. Të gjithë kërkojnë vetëm drejtësi.
Ky reagim në këtë faqe është fshirë, pasi qytetarët kanë masakruar postimin me komente që i përplasnin në fytyrë propagandën e shëmtuar.
Reagimi:
