Spiropali flet për prishjen e Teatrit Kombëtar: Ishte si furrik!

Pas shembjes së Teatrit Kombëtar, gjithë anëtarët e sektit të Rilindjes janë duke trumpetuar teatrin e ri që do të bëhet.

Përfitimet duhet të jenë të mëdha, prandaj dhe nuk e heqin nga goja “magjinë” që pretendohet të ndërtohet nga socialistët, normalisht bashkë me kullat.

Një nga ato është edhe Elisa Spiropali. Teksa ka folur në parlament për çështjen e Teatrit dhe pasi ofendoi sërish artistët, ajo e ka quajtur godinën historike të Teatrit Kombëtar një furrik.

Ndër të tjera ajo lavdëroi Teatrin e Maqedonisë, të cilin e quajti gjigand, edhe pse nuk ia di fare vlerat dhe si është ndërtuar.

Spiropali u shpreh:

Ikën nga tryeza se u prish Teatri Kombëtar. Ajo që ndodh ishte se nga një protestë me ndjeshmëri qytetare, ata e kanë kthyer në një skene. Aty, ku Monika luan rolin e Penelopës, ai Lul Basha të Odiseut…Nuk po dinë ta mbajnë, turnin se dinë ku e kanë, trupat e tyre nuk u gjetën nen rrënoja..Kanë vendosur të braktisin një nga reformat më të rëndësishme për Shqipërinë dhe të ardhmen europanie. Ata njerëz aty nuk kanë lidhje fare me artistet e mëdhej. Pse të jetë teatri jonë një furrik ndërsa teatri i Shkupit gjigant. Pse qenkemi ne të destinuar që mos kemi një teatër dinjitoz…