Ndërroi jetë në krahët e të shoqit, si e shkaktoi vdekjen e gruas 42-vjeçare pilula kontraceptive

Një grua ka humbur jetën tragjikisht gjatë një udhëtimi me familjen e saj.

42-vjeçarja, Zoe Williams, e cila ishte nënë e një vogëlushi 11-vjeçar, vdiq nga një mpiksje gjaku e shkaktuar nga konsumimi i një pilule kontraceptive që përdoret për udhëtimet e gjata.

Ajo humbi jetën pak ditë pasi kishte mbërritur në San Francisko, me burrin e saj, Jason, 45-vjeç dhe djalin e tyre 11-vjeçar.

Zoe Williams jetonte në Caerphilly, në Uellsin e Jugut. Mjekët amerikanë i thanë burrit të së ndjerës se ajo vdiq nga një trompozë e venave të thella në mushkëri (DVT), shkak i së cilës u bë pilula.

Pilula kontraceptive mendohet se rrit rrezikun të mpiksjes së gjakut në vena, ndonëse NHS pretendon se nuk ka rrezik të lartë.

Burri i 42-vjeçares së ndjerë tha:

Ne zbuluam që ajo kishte një mpiksje gjaku në mushkëri, e cila ka të ngjarë të jetë shkaktuar nga pilula e saj kontraceptive dhe fluturimi i gjatë. Humbja e saj ka lënë një boshllëk të madh në jetën, që nuk mund të zëvendësohet kurrë. Unë nuk arrij dot të kuptoj se pse duhet t'i ndodhte një gjë e tillë asaj.

Jason iu dërguan rezultatet e autopsisë pasi Zoe humbi jetën në muajin nëntor.

Ai tregoi se si çifti dhe djali tyre Haydn, 11-vjeç, fluturan drejt San Francisco më 26 tetor.

Të nesërmen ajo i tha burrit se ndjehej e lodhur dhe se e kishte të vështirë të ecte, por mendoi se kjo ishte për shkak të fluturimit të gjatë.

Ai tha:

Të gjithë dolëm nga dhoma e hotelit dhe ajo eci pak metra dhe u shemb përtokë. Ajo tha se thjesht ndjehej e lodhur dhe na tha të vazhdonim dhe se do të qëndronte në hotel për të fjetur, por ajo nuk dukej aspak mirë. Ajo kishte frikë se kjo po i shkaktohej nga një sëmundje që e kishte kaluar 20 vjet më parë, e cila sulmon qelizat në sistemin nervor.

Jason solli një mjek për të parë gruan e tij në ditën e tretë të pushimeve.

Të tre ishin gati për t'u kthyer në Mbretërinë e Bashkuar në 2 nëntor. Zoe përdori një karrige me rrota për të hipur në aeroplan, por familjes iu tha që ajo nuk ishte në gjendje për të fluturuar. Çifti u kthye sërish në hotel dhe planifikuan që të shkonin në spital ditën tjetër.

Burri i saj u shpreh:

Fatkeqësisht, ajo u përkeqësua atë natë. Ajo tha që nuk mezi po merrte frymë. Unë lajmërova ambulancën, por ajo ndërroi jetë në krahët e mi përpara se ata të arrinin në hotel.

Burimi: Daily Mail|Përktheu dhe Përshtati: JOQ Albania